陳家樂掃陰影 轉玩花式單車

英皇藝人陳家樂拍完英皇電影《破風》後，對單車踩上癮，最近他獲邀任「BMX花式大激鬥」開幕嘉賓，與樂隊LMF成員老占表演花式單車。日前，兩人到單車場進行特訓，首次玩花式的家樂不斷向老占請教，反覆練習後，終於掌握到跳躍的技巧。家樂笑謂：「我拍《破》片時無論心肺功能定body都最fit，廿幾歲仔都未試過有咁好嘅狀態，所以希望踩番車keep住。」
踩單車踩上癮的陳家樂，練習落斜台。
踩單車踩上癮的陳家樂，練習落斜台。

曾於台中炒車導致斷鎖骨的家樂，未有留下陰影：「我會特別小心某啲動作，要清楚安全先夠膽做，導師都畀好多指引我。」他亦坦言一味衝好易受傷：「當日受傷家人都好擔心，工作上安排都有影響，所以依家身體唔屬於自己，係屬於大家嘅。」

陳家樂睇老占示範技巧動作。
  • 陳家樂睇老占示範技巧動作。