報警有陌生男入屋 黃夏蕙：佢畀我嚇走咗

藝人艾美琦（Amy）昨日在旺角街頭拍新歌MV，契媽黃夏蕙、「維園霆鋒」龍心、楊正軍等專程撐場。夏蕙姨自爆住所險遭爆竊，要報警求助：「凌晨3點幾喺廳瞓瞓吓聽到砰一聲，見到個男人，我嗌咗出嚟，佢可能都驚所以走咗。（有冇唔見嘢？）佢畀我嚇親乜都冇拎就走咗，但搵到個男人放低咗嘅鎖匙，所以我覺得係自己人做。」夏蕙姨稱自己都嚇到腳軟，會盡快換門鎖。Amy稱會找個大隻男來保護契媽，又感激契媽來撐場：「佢次次都捧場，今次係我人生第一首歌，第一次拍MV好緊張，但有咁多朋友嚟幫手會請番佢哋食飯。」