張建聲下戰書 佛光街見！
女星林芊妤（Coffee）、崔碧珈、李梓言、王宗堯、張建聲及鄭欣宜等，昨日到西九龍中心宣傳新片。Coffee穿低V黑裙示人，大晒東西半球，雖然崔碧珈穿白色吊帶背心迎戰，李梓言也穿上綠色低V裙晒腿吸睛，但仍不夠Coffee搶鏡！Coffee隨後更踎低為張建聲磅重，引得居高臨下的張建聲搞笑謂要與Coffee去早前發生活春宮的佛光街巴士站行吓！
曾在澳洲「打野戰」
張建聲則坦言曾在澳洲試過「打野戰」：「我又唔係咩君子，唔想隱瞞，不過依家唔會，搭巴士都畀人影，怕教壞細路。（你嗰時飲大咗？）唔係飲大咗，係好有部署，同女友情到濃時，呢啲都係Happy經驗，最緊要唔好影響到人。」當記者進一步追問他，他則拒絕再講，笑言：「唉！都唔知條標題會點寫！」王宗堯則說：「我以前公司喺佛光街附近，嗰頭好鬼開揚，我都唔明點解會發生件咁嘅事！」
有「殘廁Gathering」前科的Coffee，受訪時稱見過鬼都怕黑：「我Reject佢（張建聲），呢個話題喺我身上敏感咗啲，我要學識say no！（佢話曾經喺澳洲打野戰！）未必係做乜嘢嘅，可能攬攬錫錫啫！（你當日Gathering呢？）咪攬攬錫錫囉！過咗咁耐啦，我哋Move on（向前看）！我依家連同男人出街都唔夠膽，有創傷後遺症，雖然都有啱嘅追求者出現，但想諗清楚先，暫時感情空白，我事業心重！（所以性感宣傳博出位？）我收Order做嘢，幫到套戲，配合番《壹獄壹世界》主題啫！」
崔碧珈及李梓言受訪時均稱不覺Coffee刻意搶鏡，崔碧珈還解釋不拋胸原因說：「我啱啱做完智慧齒手術冇幾耐，食咗藥，醫生叫我唔好吹風。」
文：影視組