朱明銳召Ricky照肺

新城知訊台台長朱明銳昨日接受電話訪問時，對於旗下DJ范振鋒（Ricky）涉在公眾地方打架被捕，他說已接到Ricky電話親口交代事件，並對涉案向電台致歉：「聽完Ricky講番成件事後，我諗佢係自衞還手，喺我眼中，佢好斯文，唔會刻意去打交，飲酒都好節制。」問可會召Ricky回電台「照肺」？朱明銳坦言：「都要『照肺』，我都要同上頭交代，唔好講係藝人身份，就算普通人都要小心言行舉止，要警剔吓佢。」Ricky可有因傷向電台請假？他稱未收到請假要求，Ricky有份主持的節目《開心家天下》明天才開咪，或要到今日Ricky視乎身體及精神狀況才決定返工與否。