周慧敏行騷演超模 邵珮詩學戲搵表情

周慧敏（Vivian）前晚出席莎莎37周年「天空姿城」閃爍周年晚宴時，透露將為好友古巨基（基仔）的時裝品牌到上海任模特兒行騷。她謂：「原本我放假都唔放住，Lorraine（基仔太太）邀請我就即刻應承，喺內地首次行騷，會着一套基仔自己設計嘅衫。佢幫我度咗好多次身，試好多次造型。」Vivian自言首次行騷十分緊張，但上台就會變身：「我到時當演戲咁演super model就會信心爆棚。（幾時行騷？）4月11號，已不停Keep fit、做運動，keep住個shape ok。基仔個品牌好有年輕活力嘅style，唔同我平時好lady嘅造型，我想同平時好唔同，甘心畀佢做Barbie。（佢請咗你飲喜酒未？）未有消息。」

七分鐘防腐秘訣

Vivian表示與莎莎合作多年，關係愉快：「佢哋有sponsor我護膚品。做Artist有樣福氣就係護膚保養有sponsor。（防腐嘅其中一個原因？）其中一個原因係我好有福氣，唔會花太多時間去護膚，通常7分鐘搞掂，敷mask就多15分鐘。」至於還有甚麼想有sponsor？她說：「我唔貪心。（貓用品？）如果有好嘅產品我會投資落去，自己畀錢買，唔會等人sponsor，尤其是貓嘅食品，我會仔細去睇啲成分。」

邵珮詩透露5月將首次拍劇。

（右起）莎莎集團主席及行政總裁郭少明伉儷、女兒郭詩慧及女婿陳振邦前晚盛裝出席周年晚宴。

先做主持當熱身

同場的港姐冠軍邵珮詩就表示將於5月加入無綫劇組：「會拍劇，同劇應該有莊思敏。（第一次拍劇緊唔緊張？）ok啦，我4月會入明珠生活做主持人先。（會唔會上啲咩課程？）我同何艷娟一齊讀緊演藝班，等自己唔好咁緊張，搵到唔同嘅feeling同表情，我把聲要響啲。」

文：名人組