學友傳爆咪神技 家輝怕怕嗌到阿媽唔認得
經常被指是失散兄弟的張學友及張家輝，早前為首度合作的電影《赤道》拍攝海報。學友笑言一直想跟家輝合作：「可惜冇拍兄弟情，其實講兩父子嘅戲都可以呀！家輝依家仲扮緊後生仔，我就走向成熟，今次合作頂住先啦！」
戲內兩人大鬥演技，想不到戲外家輝挑戰歌神學友唱功！家輝表示兩人拍戲時非常認真，但私下會唱兩句娛樂大眾。他笑學友為了唱歌可以不呼吸空氣，大家平日見到的學友跟拿咪唱歌是判若兩人，不過學友笑說：「我梗係會揀抖氣先！冇得抖氣點唱歌？有一次我同佢哋去朋友嘅宴會，其實我心情唔好，於是拎住支咪，一唱就唱咗幾個鐘，啲朋友笑我淨係鍾意唱歌，唔需要朋友啦！」
鍾意唱歌多過錢
家輝趁機問對方喜歡唱歌還是錢？學友表示對錢的慾望不大，當然揀唱歌，因為唱歌才能賺錢。問到兩人下一步合作計劃會否與唱歌有關？家輝耍手擰頭說：「學友啲歌好難唱，嗌到阿媽都唔認得，佢成日話我唱唔到佢啲歌。」學友即笑言傳授嗌爆咪的方法給家輝，但家輝笑說：「我啲料都夠用，我又唔使去到張學友啲地位，我唔會追求你嗰啲！」
文：影視組