陳細潔：驚認咗會畀人打
貴為黃金「盛」女的陳細潔感情生活一直令人好奇。昨天她出席鍾偉強的唱片發布會，男方在活動上自爆曾寫歌給前女友，令人懷疑他所講的正是神秘現身支持的陳細潔！
鯊魚女陳細潔（Abbie）貴為單身主義者，雖然感情生活空白，但其生意卻搞得有聲有色，可謂圈中數一數二的黃金「盛」女！昨天她神秘現身歌手鍾偉強（Simon）舉行的首張唱片發布會，令向來甚少提及感情事的陳細潔跟鍾偉強惹來有「陳年拖友」之嫌！
寫歌表達愛意
事緣鍾偉強受訪時自爆當年寫給梁朝偉的《朦朧夜雨裡》其實是送給當年的女友，今次自己翻唱還特地在歌曲中加插英文獨白表達愛意：「嗰陣年輕冇乜本事所以憑歌寄意，雖然我哋分開咗，但仲掛住佢，等咗三十幾年終於可以自己唱番首歌，所以想表達番內心世界向佢表白，無論佢去到幾遠都仲喺我心裏面走唔甩，始終年輕嘅愛情係比較純真，分開咗都會掛住對方。」他亦謂現時兩人仍是好友，更透露該名前女友昨天都有來支持。
事有湊巧，昨天陳細潔突然神秘現身活動，更獲鍾偉強點名上前影大合照，種種線索下很難令人不懷疑她就是鍾偉強口中的前女友！問到陳細潔可就是其當年女友？鍾偉強賣關子笑言：「你哋自己諗，唔講啦。」
老婆前度同場
至於問到陳細潔《朦朧夜雨裡》一曲可就是送給她？她尷尬否認：「搞錯呀？我哋係舊朋友。（你哋有冇拍過拖？）梗係冇，鍾偉強好鍾意音樂，無論做邊行都對音樂不離不棄，好感動，所以我哋成班朋友都好支持佢。（知唔知女主角係邊個？）唔好講係邊個啦。」問到她是否認識？她則口窒窒謂：「我識嘅，不過梗係唔係我啦，我冇資格呀。」
記者事後再就此事致電陳細潔，追問她可是鍾偉強所指的前女友？她仍然否認：「我梗係唔係，我哋只係好舊嘅朋友，我哋冇拍過拖，佢都冇追過我，驚認咗會畀人打。」她又坦言該名前女友昨天也有到場：「但佢一早走咗，喺咁嘅環境下仲唔走咩？」陳細潔亦謂認識鍾偉強老婆，跟他一家亦很熟：「我姪女同佢個女係朋友，我今日（昨天）都有同姪女去捧場，佢個女同老婆都有去。」
文：音樂組