鄭浩南Fit爆歸功遲婚鎮宇三級反駁

吳鎮宇、鄭浩南、譚耀文、監製鄭保瑞及英皇電影高層利雅博等，昨晚於尖沙咀出席電影《衝鋒車》世界首映禮，台前幕後坐一輛車身貼上「衝鋒車」貼紙的小巴現身。

消夜引誘

早前被同片的任達華踢爆貪靚的鎮宇，受訪時直指今次拍攝很辛苦：「好多都係大夜班，最難忍係見到啲消夜。我哋策略係鄭浩南食我哋先敢食，佢體內嘅運動DNA好勁，好早就操到好弗。」浩南聞言竟無厘頭謂：「可能因為遲婚，如果早婚好易肥。」鎮宇笑着回應：「講咩呀？好少用？消脂呀？」令全場哈哈大笑。

自嘲麻煩

問鎮宇有否因美食當前而增磅，他答：「又冇，（返屋企做運動？）返到屋企都休息啦。」移居馬來西亞多年的浩南，談到多年來減產的原因：「想拍多啲有誠意嘅作品。（嚟緊多啲返嚟拍戲？）希望多啲有誠意嘅公司搵我，我咁麻煩。」

導演劉浩良表示拍《衝》片原因是他曾與江湖中人入戲院睇警匪片，對方睇到警察拉人場口竟然開心：「原來電影會令人產生正義感。」

文：影視組