吳若希母進展良好過兩日或離開ICU

吳若希（Jinny）媽咪因炒單車重傷，目前仍留在醫院ICU病房，吳媽媽的黃姓男朋友手挽成人紙尿片及紙巾獨自現身，他一個箭步衝入病房，十五分鐘後Jinny跟前經理人到達醫院，未幾蔡思貝、周志文也前來探吳媽媽，Jinny表示媽媽雖未可用清醒兩個字形容，但進展良好，她說：「醫生話過埋呢兩日水腫期先知情況點，佢反應多咗，如果冇咩大問題，可以離開ICU病房。」她感謝一眾關心的好友，並表示好多朋友送花及卡慰問媽媽，她說：「雖然媽咪鍾意花，但ICU唔能夠擺花。」
吳若希表示醫生指母親過埋這兩日水腫期，視情況或搬離ICU病房。
吳若希表示醫生指母親過埋這兩日水腫期，視情況或搬離ICU病房。

昨日未見Jinny另一位緋聞男友溫家偉，Jinny戥溫家偉無辜，她說：「佢做咗替死鬼，我唔想阻佢搵好女仔。」談到她與林姓富商的緋聞，Jinny以「十哥」稱呼對方，她說：「佢有傳短訊問我有咩要幫手，我有同佢say sorry，因為覺得累咗佢，佢都識好多圈內朋友，佢話明白。」Jinny表示與十哥認識超過八年，她說：「我前度同再前度男友佢都識，（你接受到父女戀？）唔覺得關係再有變。」之後Jinny孖住蔡思貝、周志文一齊離開。此外吳若希昨晚在fb表示要趕住錄音，幸得蔡思貝媽媽的湯水，為她送來絲絲溫暖！

吳若希探母後，由周志文、蔡思貝陪同離開。
  • 吳若希探母後，由周志文、蔡思貝陪同離開。