蔡加讚 鄺美雲敗興而回
玩具大王蔡志明兒子蔡加讚（Karson）、鄺美雲（Cally）昨日分別到沙田馬場為愛駒出賽打氣，Karson單拖到場支持愛駒「車神」出戰第七場賽事，因晚上要出席annual dinner，太太汪圓圓湊ＢＢ又要裝身扮靚，所以只得他單拖到場。圓圓上周五（27日）生日，Karson說：「尋晚約埋朋友飲嘢。（送咗咩禮物？）你哋自己問佢。」不過「車神」最終僅得第二名！
至於鄺美雲則捧出賽第一場賽事的愛駒「甜蜜鑽石」，她還肉緊的叫「一號、一號」打氣，可惜愛駒未能勝出，令她頗為失望。復活節將至，但５月有拍賣會很忙，不會外遊。