阿Sa肉赤：不如彈畀我啦！
歌手蔡卓妍（阿Sa）昨日以「椅子舞大使」出席「耆舞派對2015」活動，與台下的長者們大跳椅子舞。阿Sa稱本來打算帶同八十多歲的嫲嫲來玩：「因為嫲嫲閒時都會去公園跳吓舞，但點知反而係嫲嫲有節目嚟唔到，不過我平時會陪佢打吓麻雀。（男友陳偉霆（William）有冇落場陪打？）佢唔鍾意打牌㗎！」
提到William為加入謝霆鋒新一輯內地節目《十二道鋒味》拍攝，推掉共6000萬的廣告及電影工作一事，阿Sa表示：「我唔知喎，我哋工作分開。（成6000萬，戥佢肉赤？）咁佢走嘅路仲好長，賺得番嘅。」記者笑言若男友做不及，不如交給女友做？阿Sa笑言：「係啦，不如彈畀我啦。（有冇試過？）講笑啫，梗係冇啦。」
阿嬌奪「最受矚目女神」
至於今年是Twins的成立15周年，阿Sa稱最近與阿嬌（鍾欣潼）開始為Twins的紀念碟錄音，希望趕及5月18日Twins成立日推出，而年尾則會舉行Twins的跨年演唱會。
另外，英皇旗下藝人阿嬌、白冰及導演鄒佡於內地舉行的「金票根影迷嘉年華圓夢盛典」中獲獎，阿嬌憑電影《王牌》奪得「最受矚目女神」大獎，白冰憑電影《一個人的武林》取得「最具突破獎」，而導演鄒佡亦憑英皇投資的電影《一生一世》獲頒「至美原聲」獎。
文：音樂組