林漪娸笑對被杯葛
無綫處境劇《愛‧回家》昨日拉隊到灣仔出席嘉年華活動，林漪娸被指遭徐榮及郭少芸聯手杯葛，三人似有備而來，親暱合照之餘更全程有講有笑，受訪前徐榮更拋出一句：「逼供嘞。」
林漪娸說：「拍咗3年先有新聞都算遲嘞，如果要傳想傳緋聞多啲囉。徐榮好nice，成日照顧我，黎諾懿就比較照顧郭少芸，個個都有人錫。」徐榮補充道：「漪娸姐唔同我哋一齊放飯，係因為佢有帶飯盒，而且要午睡養生呀。」有指林漪娸演出「交行貨」，郭少芸搞笑說：「全部人都交，唔使特別講。」提到該劇計劃800集收爐，成績未能超越當年《真情》，林漪娸贊成「見好就收」，且揚言劇集收視平穩，絕對不是腰斬。