陳志健戒色打拳賽
藝人陳志健（Otto）前晚到灣仔參加慈善拳賽，太太羅苡之、外母陳寶儀以及好友陳山聰、錢嘉樂、洪天明、吳家樂、陳凱琳、朱晨麗等為他打氣。Otto賽後面部略見紅腫，眾人則齊歎消夜慰勞他。
Otto說：「我打兩場，其中一場係輪椅賽，老婆知拳賽係為對抗性暴力機構籌款都好支持！我為賽事減20磅，戒口戒酒好辛苦。（戒色？）練習完都攰到瞓覺啦！」陳山聰則說：「Otto係我教練，教我操肌，我都減咗10磅。（網民對《殭》預告有意見？）公司為《殭》做咗好多動畫，香港電視界少見，到個劇出街，觀眾就會睇到好唔同！」
