鍾嘉欣籲將心比心

鍾嘉欣昨到科學園出席慈善步行活動，為有需要的家庭及小朋友籌款，提到吳若希（Jinny）母親受傷，與Jinny屬同一唱片公司的嘉欣表示兩人不算太熟，但都戥她擔心：「希望Jinny媽咪盡快好番，意外唔知幾時嚟，所以要做好保護措施。（有網民拎呢件事講笑。）唔可以開呢啲玩笑，不能接受！要諗吓如果係你媽咪出意外，你會點呢？做人要將心比心。（點睇Jinny爆粗還擊？）我冇睇到咁深入，相信佢呢排壓力好大。」