任達華摑細路女 個心唔舒服
任達華、吳鎮宇與譚耀文日前接受有線節目《電影蒙太奇》訪問，大談主演新片《衝鋒車》時的難忘經歷。華哥談起掌摑小妹妹的劇情時相當後悔，他說：「我哋感情好好，有講有笑，直到被打嗰日起，佢就三日無同我講嘢。我個心好過意唔去，擔心佢有童年陰影，怕咗男人。」
要用盡招數謝罪
雖然拍攝前導演劉浩良已向小妹妹預告有關演出，但為免她因NG而受皮肉之苦，劇組忍痛下決定「先斬後奏」助她順利演出。問有否收到父母投訴？劉導表示已向其家人預告有關演出，華哥亦有與妹妹母親溝通演出方式。但即使演出經驗豐富如華哥，這一巴掌仍令他刻骨銘心，事後不忘用盡招數向小妹妹謝罪。
譚耀文冇啖好食
而有大量吊威吔演出的譚耀文，憶起拍攝點滴時亦大喊辛苦：「倒吊幾個鐘體力勞動事少，最慘係我拍嘅時候成班演員同劇組去開餐，食乳豬、自助餐等等，得番我一個人繼續拍，真係好陰功。」
鎮宇被指備受新進導演歡迎，他笑言是一種投資：「我發現啲新進導演好鍾意搵我同華哥拍戲，可能因為我哋無咩所謂，任勞任怨啦！日子耐咗，呢班導演成名後又再搵我哋拍，咁就長做長有，拍足咁多年。」
文：影視組