吳若希公開蜜照 洩戀溫家偉

歌手吳若希（Jinny）與「大隻仔」溫家偉（Alan）因拍《衝線》傳出緋聞，兩人的「好友關係」昨日又進一步！Jinny昨早上載與神秘男面貼面兼疑似錫面的親暱照，並留言：「愛情是很神奇的事，他不是最好的那個，但只要愛對了時間、愛對了人，他會為你改變得更好，你會陪他衝線，和他在一起會是你美好的時光。如果我們在一起了，你們會祝福我們嗎？」相中兩人樣貌雖被圖案遮蔽，惟粉絲眼利認出相中人是Jinny及Alan，更起哄問Jinny是否公開戀情！

坦承兩人交心

「涉事」主角Alan回應「蜜照」時緊張到口窒窒：「Er……我唔知喎，因為張相有個公仔，睇唔到係邊個。（係咪你？）我真係唔知喎，係咪我呀？（係咪成日影親密相？）我又唔覺得好親密喎，因為電話影相個格好細，點都要親密啲先影到。如果你同嗰個人好Friend，其實我覺得親密啲冇咩嘢。」問到與Jinny的進展，他尷尬傻笑：「冇乜分別，好Close同好Friend，唔知將來係點。（有好消息會講？）講！如果有咩好消息我會講！」

Jinny昨午到荃灣出席無綫新節目《至尊街頭魔法王》宣傳活動時則「補鑊」，笑言該蜜照是為劇集宣傳：「公開？唔係！如果大家想知相中人係邊個，今晚睇《衝線》大結局就會知道！」問到與大隻仔有否發展可能，她說：「大隻仔係我一個好知心、好交到心嘅朋友。」明顯對這段關係留有伏線。

吳若希上載與神秘男的「蜜照」，有指神秘男就是溫家偉。	溫家偉接受訪問，希望大家給多點空間吳若希。	（左起）吳若希、甄澤權和阿Bob宣傳魔術節目。

留言大吐苦水

而Jinny昨再在社交網吐苦水，指與朋友聚會卻被穿鑿附會，當中包括林姓朋友。她昨接受本報電話訪問，表現委屈兼口震震，更哽咽說：「我係咪唔可以有朋友？你話我乜都得，我入得行就預咗，但可唔可以唔好搞我身邊朋友！」

此外，昨與Jinny同場的著名魔術師甄澤權，在台上表演「若希瞬間轉移」及徒手煲咖啡的魔術，他表示今次《至》節目只剩下自己一個魔術師倍感壓力，但仍希望尋求突破。

文：專案組