鍾浠文賣二手衫籌善款
有「鬼姐」之稱的模特兒鍾浠文（Zelia）早前一連兩日現身荔枝角擺檔賣個人二手商品，包括衫、袋、化妝品等等，為的就是幫無國界醫生籌款。「今次攞咗百幾、二百件自己覺得有價值嘅嘢出嚟賣。（點解選擇捐畀無國界醫生？）好多落後國家都打緊仗，無國界醫生幫到好多無家可歸嘅人，我唔鍾意戰爭，希望世界和平。」
Zelia的「鬼姐雜貨舖」是現場約二、三十家攤檔中最受歡迎的攤檔之一，年輕人除了買東西，更排隊向Zelia「集郵」。問她最喜歡哪件貨品時，她隨即攞起藝人Yumiko送給她的粉紅色毛毛衫，以及上年去旅行只用了2次的粉紅色藤製包包，Zelia介紹說：「呢啲都係朋友送，有紀念價值，我都好鍾意。（唔捨得？）啲袋囉，女仔都鍾意儲袋，但覺得應該捐出鍾意嘅嘢同人分享。」最後Zelia在兩日共籌得萬多元，令她喜出望外。
