黃美棋出世唔容易

藝人黃美棋、李悅彤(Liddy)、高鈞賢與母親、吳耀漢夫婦與兒子吳嘉龍、徐偉棟與胞妹徐頴堃昨日出席有線節目《帶阿媽去旅行》飯局。

美棋表示旅程中得知母親曾三次打算不要她,提起此事時更不禁落淚並哽咽說:「我有阿哥同家姐,屋企覺得夠,有咗我冇幾耐,媽咪搵醫生想墮胎,但個醫生去咗旅行,之後去家計會,醫生話我已經太大個,唔適合墮胎,就算我出咗世,媽咪都打算將我送畀人!知道件事後唔開心咗一星期,有少少嬲,媽咪覺得我廿幾歲都大個,話自己好後悔,我兩、三歲已經自己識幫父母按摩,好生性,好在冇唔要我咋!我都覺得係緣分,會錫父母多啲,唔想佢哋內疚!」

此外,美棋日前在網上發起「一日一任務」活動,她跟從網友提議罰自己敷住面膜在尖沙咀行街,昨日她將相片放上微博,獲網友讚好。

Liddy挑戰笨豬跳

而同場的Liddy與母親到泰國拍攝前數月被揭是導演彭順小三及父親捲入槍擊自殺案,正值兩母女低潮,她透露旅程中要試跳笨豬跳,在地面的Liddy母緊張大叫:「唔可以冇咗個女。」Liddy說:「我當時企咗半個鐘都未敢跳,媽咪知我好驚,佢不斷唸經,見我跳嘅時候仲嚇到大叫!」

高鈞賢則與母親到埃及旅行,獲母親讚他在沙塵暴中仍很專業擺型樣。而吳耀漢獲外籍太太送上螢光黃色比堅尼,並替他穿上,場面搞笑!

文:影視組