林欣彤作曲唱出正能量

歌手林欣彤（Mag）昨日出席電台訪問宣傳新歌，曾患情緒病的她希望新歌能帶給別人正能量，她說：「朋友都話我望落去精神咗同開心咗好多，咁即係話我都可以發放到呢個力量出嚟。首歌係我親自作曲，希望帶畀別人希望，首歌想表達嘅係，最緊要唔係個環境去配合你能唔能夠成就件事，而係還原基本步，好似小朋友咁純真去渴求一樣嘢。」Mag又表示很喜歡師姐蔡卓妍（阿Sa）主演的電影《雛妓》，希望自己也能進軍電影界。