周秀娜做守護天使 救脫髮男友

周秀娜昨日出席護髮中心活動，表示自己都曾有脫髮問題，亦試過鬼剃頭，幸好發現得早，現在更覺得自己係呢方面嘅專家。至於可會介意男士少頭髮？她說：「見住自己嘅伴侶頭髮由多變少都幾浪漫，代表大家一齊嘅時間見證咗好多嘅。如果佢有脫髮嘅問題，我會好似天使咁幫佢護理同預防，唔止幫佢塊面敷mask，連頭髮都幫佢敷，幾sweet。（有人話十個光頭九個富？）係咩？始終係睇相處同埋內心緊要啲。（唔係追求型英帥靚正？）唔係，我覺得對自己外形有要求嘅男仔係幾好，可以同我一齊傾打扮嘅嘢，女仔都係貪靚，但我唔係第一樣睇外表，相處唔到幾靚仔都冇用。」