Alice B.（目及）出愛火 戀森巴肌佬
「第四代Canon甜心」Alice B.早前因母患病，要傾盡家財及籌錢救母，而感情上亦欠着落，慘遭連番打擊的她，近日感情上終出現曙光，與大隻仔男模一見鍾情，身邊多了一個膊頭，對Alice來說是最佳的心靈雞湯。
單身了近一年的Alice B.，終於再次拍拖，對方更是巴西籍男模，高大威猛而且有八塊腹肌，與Alice非常登對！Alice透露自己與對方於工作中首次邂逅，她說：「我哋第一次見面係泳裝casting，所以第一次見面已經見到佢咁hot嘅身形！我對佢都可以話係一見鍾情，視線完全離唔開佢。」
男友在內地工作
Alice透露男友以內地作為工作基地，故不能每天見面，但地域所限並未影響二人感情。Alice甜蜜地說：「見唔到嘅時候，我哋每日都會視像通話。但都會盡量抽時間見面，一係佢嚟香港，一係我去內地。上次我病咗，佢特登趕嚟香港照顧我，每日都煮嘢畀我食，真係好sweet。（有冇諗住為咗男友去內地發展？）考慮緊，我一向都想開拓內地市場，可能依家係適當時機。」
身形好照行性感
問到男友會否禁止她以性感造型工作？Alice笑言：「唔會，佢都係做模特兒，佢明白係工作需要。加上我身形好，佢會好自滿咁話『Alice係我女友』，哈哈！」
文：名人組