吳國敬開騷 健仔力撐
歌手吳國敬下月將在紅館舉行「敬‧愛音樂吳國敬30載作品展音樂會」，一班歌手好友亦已落實擔任嘉賓，他會在演唱會上獻唱特意為女友Elaine寫的新歌《不用說的快樂》表達愛意。
搞搖滾婚禮
至於會否順勢求婚？阿敬說：「早已認定咗佢，到時太多表演嘉賓，冇時間。佢一隻鑽石戒指再加埋呢首示愛歌就飛唔甩，我都飛唔甩！」他承認計劃今年結婚，雖然雙方父母已不在，但婚禮上仍會為他們留個位置：「傳統儀式就唔使喇，我想搞個搖滾婚禮，租個場地，再搵隊band嚟現場彈奏！」
撰寫台詞
張衞健（健仔）與阿敬自小學一年級已結緣，兩人一直老友鬼鬼，健仔除了做嘉賓還負責撰寫演唱會台詞，他大讚阿敬人緣好，又自爆多年前阿敬雪中送炭幫助他：「嗰陣我差五百蚊都過唔到年，我約佢去洲際酒店飲嘢問佢借錢，佢好爽快就借畀我，最感動嘅係其實佢全副身家得一千蚊！雖然當時我哋都好窮，但酒店兩杯咖啡要成百幾蚊，當然都係由佢埋單！」令人哭笑不得！健仔近年影視減產是刻意放慢步伐，做想做的事情，去年看完劉嘉玲的舞台劇《杜老誌》後，有意做舞台劇，但最想做talk show。
文：音樂組