吳綺莉道歉 學做稱職媽媽

涉虐女的吳綺莉昨午與幾名有線高層用膳，再返有線電視大樓工作，之後到電台開咪，並公開見傳媒，又兩度道歉：「首先要講對唔住，連日嚟搞到大家咁頻撲，件事已經交畀律師處理，我唔方便講太多。依家我要顧及我小朋友嘅感受，希望大家唔好騷擾佢，畀佢過正常生活，我亦會學做更好嘅媽媽。」問被傳酗酒的吳綺莉可會戒酒？她說：「好多方面都要學。（囡囡之後會一齊住？）聽社工決定。（擔心失去監護權？）冇擔心，冇嘢比我同囡囡之間嘅溝通更重要。」問成龍可有慰問？她說：「唔清楚，人哋嘅事我一直唔太理，只知道最重要係女兒嘅平安。」