陳豪湊仔公唔易做
陳豪、田蕊妮（阿田）和胡定欣前晚夾份請新劇《鬼同你OT》一眾台前幕後食煞科宴，上月再度添丁的陳豪盼多點時間陪家人，直言太太陳茵媺（Aimee）獨力湊仔也很辛苦。他又承認早前陪Aimee到學校視察，為大仔陳梓樺（Aiden）報讀幼稚園學前班，並謂夫妻倆也不想變成「怪獸家長」：「我唔想塞太多嘢畀佢，或好局限佢，我想佢喺好放鬆嘅環境下學習，最緊要培養到佢對事物、學習嘅興趣。」
阿田則指該劇拍足四個多月，眾人也希望趕快拍畢劇集，讓陳豪可安心照顧老婆：「我哋一路拍都叫佢同個仔傾掂數，果然係唔聽話，早咗幾日生，辛苦佢啦，過年後再開都返嚟拍，爸爸真係唔易做。」談到無綫變陣劇集播足七日，正趕拍《公公出宮》的定欣，指該劇由30集增至35集，此改動對其影響不大。