爾冬陞：包容情緒化藝人
導演爾冬陞昨晚於導演會晚宴上被問到當年張栢芝拍《旺角黑夜》有否失場？他說：「演員大家都理性，但都總有情緒化嘅時候，呢個圈冇永遠敵人，早晚總會化解，印象中佢冇失場。（佢情緒有問題？）都冇乜，藝人大部分都有情緒，對佢哋要包容。（再用佢？）有適合劇本、角色先會搵。」
而曾與張栢芝合作的導演王晶則表示：「佢情緒唔好嘛，事件唔應該亦唔輪到我講。（再同栢芝合作？）我哋三年冇見，唔知佢依家點。（上次拍《無價之寶》時佢點？）當時佢係離婚階段，情緒波動、唔係十分理性係可以理解。（曾失場？）咁又冇。」問到會否協助她找她拍戲，王晶說：「佢三十幾歲人有自己諗法、動機和立場。（《賭城風雲Ⅲ》預佢？）男人戲為主，劉嘉玲會客串演出。」