阿叻做Live被拒 怕得罪人
藝人陳百祥（阿叻）與杜麗莎前晚在將軍澳電視城為李思捷主持的無綫節目《今晚睇李》擔任嘉賓。阿叻接受訪問時認為《今晚睇李》就像以前的《歡樂今宵》，給予主持人很大的自由度，他坦言恨做這類節目更曾向公司提議，他笑說：「畀思捷做咗，如果依家要做就要做Live先好玩，但TVB唔會畀我做，怕我會得罪人，我諗我會收好多投訴信，唔係我點會叫做十大惡人之首。」
杜麗莎因材施教
無綫搶收視革新黃金時段節目，更破天荒將九點半時段的劇集一星期播足七日，以加強觀眾追看性，打頭陣的是內地火紅劇《武則天》，不過阿叻則笑謂無綫根本毋須要變，他說：「我就覺得唔使變，點變都好啲廣告都係爆晒，變只係取悅廣告商，TVB都係冇對手。」
杜麗莎獻唱兩首歌曲並分享自己的音樂世界，大談教唱歌後自己音樂風格的轉變及分享教唱歌心得，她笑說：「大家只係知我收得貴，我教每個學生都唔同方法，要睇佢哋特質。」
文：影視組