樂瞳醜樣蜑家妹蠱惑增高

無綫藝員馬國明、岑麗香、黃翠如、阮兆祥、朱璇、樂瞳、楊秀惠等昨日在將軍澳電視城為無綫新劇《為食神探》試造型。新劇最爆造型莫過於將皮膚塗黑扮演賣鹹魚的蜑家妹樂瞳，她與楊秀惠和朱璇兩位高妹合照時就像小矮人，難怪她要企上梯級拍攝合照，樂瞳笑說：「我已經好醜樣，你哋仲要咁高。」

而翠如亦要犧牲形象扮演深水埗長大的惡女貨車司機，劇中的她相當粗魯，說話又粗俗，但她不擔心破壞翠如BB形象並自嘲：「我不嬲都冇形象，成個男人咁，蕭正楠都好斯文，其實身邊都冇乜人粗魯過我。」

馬國明變觀音兵

另外，馬國明原本是個懶懶閒的廚師，後來跟阮兆祥學做神探，戲中還明戀香香，但卻自作多情變成「觀音兵」，他笑說：「睇咗幾集劇本，角色以為自己好有型，但實情係岑麗香同朱璇嘅『觀音兵』。」馬國明指新劇配搭很有新鮮，與阮兆祥、江欣燕、岑麗香等都是首次合作，不擔心他們「爆肚」即興演出。

香香識唔到男仔

「女神」香香被問到現實中有多少「觀音兵」？她則說：「又真係冇乜，係咪我有問題呢？可能我個性獨立啦。喺香港咁耐都冇人追我，可能成日都要開工，所以識唔到男仔。」香香與馬國明首次合作，問她會否密切關注這個「筍盤」？她笑說：「喺劇中就會發生。」問香香拍拖是否會揀圈中人﹖她說：「做嘢先，拍拖順其自然。」

文：影視組