小齊組男人幫撼BIG FOUR
任賢齊、蘇永康、梁漢文（Edmond）及黃家強前晚出席唱片公司春茗並舉行「男人幫」結拜儀式，小齊稱會為組合籌備專輯、演唱會及拍戲，可會以「男人幫」名義向紅館申請檔期？小齊說：「我哋都準備緊，八月先出專輯，之後到演唱會。」
講到現在結義當兄弟，小齊豈非要與三人簽訂長約？他謂：「咁大家都講心講感情，最緊要開心。」而蘇永康和Edmond本身已與許志安、張衞健組成BIG FOUR，對食兩家茶禮，兩人笑言：「係呀，我哋兩頭蛇，無間道嚟！」蘇永康更提議到時兩隊可合體開騷，變成「一台麻甩佬演唱會」。問到身為父親的小齊，有關吳綺莉涉虐女，有指是卓琳擔心母親而報警求助，他說：「呢個都係一種愛嘅方式，小朋友始終唔係大人，冇經驗唔識得處理。」