周永恒健身唔上庭 官斥浪費公帑
「老是常出現」的周永恒（Roy）又有官非！不過今次就以「受害人」身份控告被一名採訪記者襲擊，但「公務繁忙」的Roy就以到北京上健身課程為由缺席上庭，結果被裁判官寸爆：「自己都唔着緊！」直指他浪費法庭時間和公帑。
歌手周永恒去年因劈腿和恐嚇分居太太趙頌茹（阿Yu）成為城中熱話，被不少傳媒追訪，期間壹傳媒集團旗下雜誌《忽然1周》一名男記者在採訪時涉嫌襲擊Roy，事後被控一項襲擊致造成身體傷害罪，案件昨日在屯門法院開審，不過身為證人的Roy就未有現身。
押後下月審
控方向法庭解釋Roy要到北京上名為「全方位私人教練培訓課程」的健身課程，裁判官聽後即質問控方：「你個證人準備轉行呀？有法庭唔上，上健身課程？」又狠批Roy「自己都唔着緊」，直指他浪費法庭時間及公帑。案件現押後到下月16日再提訊，同時案件排期5月4日審訊。
擺阿Yu上枱
記者事後聯絡Roy，他多次重申自己乃「受害人」身份，又重提早前被控普通襲擊罪一事：「其實案發嗰日都有其他人證吖，阿Yu嗰時都冇出庭指證我，我仍然都可以判到啦，咁我相信香港嘅司法係夠健全嘅。」
Roy又稱警方聯絡人曾在一月時空泛地詢問近三個月可否上庭作證，但其實控方曾在庭上表示直至上月才聯絡到Roy。至於裁判官狠批他「轉行」、「唔上庭」，Roy竟反駁：「呢啲都係裁判官好個人而不根據法律依據嘅個人見解嚟啫，我對呢件事冇意見。」
另外，昨日阿Yu出席活動時被問到此事，她直言兩人已沒有聯絡：「來龍去脈我唔清楚，呢個人喺我生命入面已告一段落，佢自己嘅嘢自己負責。」
案件編號：TMCC 3667/2014
文：音樂組