任達華攬女囡囡呷醋

任達華昨晚出席電影慶功宴，大會早已準備蛋糕預祝他明日生日快樂，並由阿Sa領唱生日歌，場面熱鬧。問生日當天如何慶祝？他表示全日都要開工，但今晚會提前與家人食飯，又指女兒為他送上兩個驚喜，令他大感窩心：「個女見到我攬住阿Sa張海報，問點解唔係攬住媽咪？於是罰我孭住佢來回行十幾次，佢話要鍛煉我體能，因為我要孭佢一世！好溫暖！佢仲話今晚有另一個神秘驚喜！」他又稱生日願望是世界和平，亦希望阿Sa狂掃影后殊榮，最好攞夠十個，比張家輝更多。