阿Sa演技獲肯定「后」勁凌厲

阿Sa、任達華、導演邱禮濤及英皇老闆楊受成昨晚出席英皇電影《雛妓》慶功宴，阿Sa日前在大阪亞洲電影節贏得等同影后殊榮的「特別表揚獎」，大大提高她在下月香港電影金像獎奪影后的呼聲。昨晚她正式在邱禮濤手上接過「特別表揚獎」，現場掌聲如雷。

狂收祝賀短訊

阿Sa笑言得獎後獲大批同業好友發短訊祝賀，令她每日都在充滿愛中被嘈醒。問她男友陳偉霆有否恭賀？阿Sa簡單地說：「大家都有啦！今次（氣勢）幾好，希望可以keep住。（多咗信心？）冇咩壓力！（男友送禮物獎勵？）得喇！得喇！」期間有記者叫阿Sa做「準影后」，她即搞笑地將手指放在嘴邊：「殊！」但仍忍不住笑說：「唔好咁講！」

希望擴闊戲路

阿Sa透露今餐由老闆埋單，下一餐到華哥，但自己亦一定會請客：「最開心拍戲係成日有飯食！（幾時到你？）近排都好忙，要四出謝票，又有Twins嘅project處理緊，但我一定會請。」她透露電影角色獲得認同後，希望可繼續擴闊戲路：「想有多啲發揮，希望遇好角色，挑戰自己。（多咗劇本邀約？）不嬲都多，但近排多咗啲另類，唔係咁商業嘅。」問到會否原班人馬再開戲？阿Sa表示未收通知，但覺得有時點到即止較好。

明日生日的任達華獲大會安排蛋糕，即場吹蠟燭慶祝。

電影叫好叫座，楊受成（左起）、邱禮濤、任達華及蔡卓妍飲得杯落。

此外，電影上映十三日票房收逾一千三百萬港元，現場筵開約十席慶祝，眾人在台上切蛋糕開香檳。期間楊受成問邱禮濤下一部劇本的籌備進度，似乎繼續有合作計劃，邱禮濤亦點頭默認，但詳情尚未確定。

文：影視組