秋生嘆一個時代終結

黃秋生

與邱德根認識多年的汪明荃：「感到惋惜，向邱生家人致以最深切慰問。」

黃秋生：「好唏噓，可以話，佢嘅離開，係一個時代嘅終結。我當年喺亞視，佢啱啱接手，但我只係小職員，冇乜機會接觸到佢，到我後尾出咗嚟，都冇乜機會喺公開場合見番，係當年新年時見過佢，（傳佢派5蚊利是？）利是呢啲意頭啫，咁多員工，個個5蚊都好杰。（點睇外界批評佢太節儉？）人都離開咗，唔好咁講。你睇跟住接手嗰啲節唔節儉？節儉到無糧出呀！」

盧海鵬：「好可惜，不過當年大家始終係賓主所以冇咩接觸，唔太清楚佢為人。我只不過曾經應電影角色要求扮演佢，扮佢時都冇咩難度。我一向好少出席喪禮，所以都唔會出席佢喪禮。」

盧海鵬

羅嘉良

羅嘉良：「佢當年喺亞視，每年都賺錢，又每年都開大劇，好似《武則天》、《秦始皇》咁，係不可多得嘅好前輩。好多人以為我喺亞視唱嘅第一首主題曲係《秦始皇》，但其實係《雲海玉弓緣》。」