碧咸嫂巡視自家品牌排場勁
「碧咸嫂」Victoria Beckham昨日現身尖沙咀溥儀眼鏡旗艦店，視察其自家品牌，全程有十數名隨行人員、保鏢和工作人員傍實及守候，極具排場！她全程表現親民，連品牌老闆邱子傑見到碧咸嫂真人亦不禁大讚她氣質非凡。
「碧咸嫂」Victoria Beckham昨早10時以型爆的全黑造型、戴上黑超現身，到訪位於尖沙咀的溥儀眼鏡旗艦店，因為她的眼鏡品牌由溥儀代理，碧咸嫂由四名貼身隨行人員和保鏢全程護駕，現場還有約十名品牌的工作人員在店內外嚴陣守候，由品牌老闆邱子傑及太太邱李茂琪熱情招待，認真架勢！她逗留約1小時，由邱子傑夫婦親自陪同離開。她見記者拍照不但沒有抗拒，還刻意放慢腳步離開，而且全程保持微笑及大方任影，表現親民。
預告推出聯乘系列
專誠招待合作夥伴碧咸嫂的邱子傑夫婦受訪時，異口同聲地大讚對方極其完美，邱生激讚她說：「佢好好人同好有氣質！」邱太則補充：「佢好nice、好爽快，冇乜架子同好專業。」他們還稱碧咸嫂是次特意前來參觀此旗艦店：「佢今次係第一次嚟參觀，頭先主要係睇佢自己品牌嘅太陽眼鏡同埋間舖，佢好鍾意，話間舖好靚。」邱生還透露碧咸嫂的自家眼鏡品牌在內地非常出名和受歡迎，銷售量極佳。雙方已合作兩年，將有一些新計劃：「嚟緊會有特別款或crossover嘅眼鏡合作，只有我哋做代理。」
私人機上晒「密照」
「巡舖」完畢後，碧咸嫂專程飛往北京支持個人品牌活動，她在instagram晒私人飛機飛北京的相，一行十餘人在私人飛機前留倩影，上到機碧咸嫂隨即換上拖鞋，還整個人坐在髮型師身上作嘟嘴狀，毫無芥蒂。
文：名人組