陳嘉桓恨嫁 嘆未見真命天子
陳嘉桓穿上低胸婚紗行騷，可惜驚變「Bra痕新娘」大殺風景，不過無阻她的結婚衝動，計劃要披外婆的「加長版婚紗」出嫁。同樣恨嫁恨到出面的楊秀惠早已被家人放棄催婚，成為了「楊門最後盛女」。
陳嘉桓（Rose）與女子組合FFx昨日為婚紗活動做模特兒行騷，而張兆輝與楊秀惠擔任頒獎嘉賓，Rose穿上兩套透視及低胸的婚紗登場，可是香肩驚現紅色「Bra痕」，認真失策。Rose坦言不少朋友陸續成家立室，令她開始心郁郁想嫁，更早已Plan定出嫁戰衣：「第時結婚我都想到公主咁，同埋我冇過裙褂，我好鍾意廿幾年前嗰啲鳳冠，復古少少。」
秀惠唔怕做盛女
問到媽媽可有留起當年的嫁衣當嫁妝？Rose說：「我媽咪冇呀，佢好似當年都冇着婚紗，我阿婆就可能有，不過就算留咗婚紗畀我，我都要加長，因為我喺家中最高。」雖然滿腹結婚大計，可是Rose高呼仍未找到真命天子：「未有呀，都唔知點算。（相睇？）好似好危險喎，要同陌生人傾偈，未考慮呀，我又未去到咁嚴重。」
同樣是單身靚女的楊秀惠亦坦言相當恨嫁，並將返家鄉馬來西亞出席表妹的婚禮：「我哋家族好多女仔已經嫁晒人。（家人催婚？）佢哋已經放棄咗我，覺得算啦，有時佢哋拜神都想我搵到主好人家，但我做嘢太忙啦，加上依家有自己生意，好少私人時間。」
張兆輝補影婚照
相反名草有主的張兆輝表示有意與老婆補影婚照，更大爆太太扭計：「太太已經成日話要補影，到有時間影，佢又話要操弗啲先喎。」向來鍾情攝影的他又透露有意將小朋友的照片輯成相片雜誌，但由於照片數目太多，未有時間整理。
文：音樂組