蔡佩賢曬黑突圍不露而威
模特兒蔡佩賢（Kitty）憑傅嘉莉師妹之名勇闖影壇，揚言三點不露的她，坦言希望可以嘗試做打女角色。而擁有黑黝黝健康膚色的Kitty，直言不怕曬黑，皆因可以吸引客戶垂青拍廣告！
模特兒傅嘉莉師妹蔡佩賢（Kitty）擁有一副健康膚色兼32C魔鬼身材，曾在電影《喜愛夜蒲》中演出的她，雖然戲份不多，但令Kitty對演戲產生興趣，並希望可以在影圈大展拳腳，她說：「我份人其實好好動，都想做啲活潑嘅角色，健康性感冇問題，不過極限就係三點不露。（會唔會試吓做打女？）我都想試吓，感覺打女好似刺激啲，如果有我都想試。」
師姐傅嘉莉在影視圈發展相當不錯，問到身為師妹的她，可有向師姐取輕？她說：「當然有啦，雖然同師姐好少見面，但有時喺公司見到佢，我都會問佢好多意見，佢仲好肯教我嘢。」
笑容似米雪
而Kitty外貌與米雪及黃日華女兒黃芷晴相似，問到她覺得最似誰人時，她說：「其實我由細到大，都好多人話我笑嗰陣似米雪，但近期就多人話我似黃芷晴。但我自己就鍾意米雪多啲，佢係一個好好嘅學習目標。」而擁有一副健康膚色的Kitty，坦言最愛與陽光玩遊戲，她說：「我夏天好鍾意玩水上活動，有時仲會特登去曬添。（唔驚曬黑咩？）我唔驚，曬到咁健康，可能可以吸引到太陽油廣告商搵我拍廣告呢！」
Profile
姓名：蔡佩賢（Kitty）
年齡：27歲
三圍：32C、23、33
身高：1米62
入行經過
模特兒出身的她拍下了不少平面廣告，而近年更拍過電影《喜愛夜蒲2》、《爛滾夫鬥爛滾妻》等。
攝影：劉斌
場地：Topiary
服裝：Wacoal
文：專案組