周汶錡佗Ｂ五吋高鞋照着
佗B快將六個月的名模周汶錡（Kathy），昨晚穿上桃紅色連身長裙及腳踏五吋高跟鞋出席慈善籌款晚宴，她表示佗B不辛苦，更肥了十磅，她說：「因為BB好乖，所以冇乜唔舒服，反而係自己冇乜避忌，有踎低個啲，啲朋友同醫生都有叫我唔好再咁樣，之前個肚都有扯過吓。」
她又透露日前去了照超聲波：「照嗰陣，BB好曳，又遮面又蹺腳，所以仲未知道性別，不過男女都唔緊要啦，因為都係第一胎嘛，（會唔會再生？）都會，兩個就夠啦！」她亦透露預產期是6月尾、7月頭，因為怕痛故會選擇開刀生，現在已沒有飲酒及食蟹。由於現場地氈鋪得凹凸不平，周汶錡不慎差錯腳險仆倒，幸有驚無險，並拍心口定驚。
