子丹夢中推手激嬲詩詩
甄子丹與太太汪詩詩昨日出席代言廣告首播活動，子丹透露自己首次自薦嘗試擔任肥仔一角，而詩詩亦表示相當喜愛丈夫的新造型！她續爆子丹曾於熟睡中出手打自己，故自此長期背着子丹睡覺，來宣洩心中的怒火！
「宇宙最強」甄子丹與太太汪詩詩昨日以代言人身份出席SINOMAX「用愛‧支持所愛」廣告首播發布會，對於子丹於廣告中化身一名超級肥仔，詩詩笑言不認得這位枕邊人，至於有份策劃角色的子丹亦分享感受說：「其實我之前從來未做過肥仔，今次係我主動建議咁拍，事實證明太太係更加愛我！」
愛上不一樣老公
問詩詩會否愛上肥版子丹？她即說：「我好鍾意呀，覺得好得意，加埋嗰日廣告啲動作就更cute，不過我真係估唔到佢啲衫着到咁厚，都仲可以跳舞跳得咁犀利！（第一眼感覺係點？）好confuse，估唔到係咁嘅樣，因為畫出嚟同真人係兩回事，（小朋友有冇見過？）冇見過呢個樣，佢哋要返學，都想畀佢哋見吓，不過化妝好真，連毛孔都見到！」子丹隨後笑着補充說：「其實係畀定一個預告同心理準備佢，我幾年後就會變成咁樣。」
「大頭蝦」上身扮傻
二人於活動上還大方分享智能床褥測試結果，分析顯示子丹晚上的轉身次數頗多，他坦言經常為工作失眠：「成日都瞓唔到，工作病，因為成日都諗點樣拍戲，諗啲動作設計，（咁有冇試過轉身打到詩詩？）佢同我講試過一次。」詩詩即點頭說：「有次瞓瞓吓，佢好大力咁推我塊面，我好嬲，之後就成日都背住佢瞓。」問到子丹可有印象？他即「大頭蝦」上身笑說：「知都話唔知啦，公報私仇嘛，不知者不罪。」另外，子丹前日亦於微博上載兒子James的跆拳道照片，並留言道：「今天我七歲的兒子James考帶通過，他已是紅腰帶了！」果然有其父必有其子，可喜可賀！
文：名人組