基仔突圍飆低音

古巨基早前參加內地節目《我是歌手3》第6期比賽中慘遭淘汰，惹來不少歌迷聲淚俱下戥他不值，不過基仔終有機會「復仇」，昨日他飛返內地與同樣被out的陳潔儀出戰本周四的「突圍賽」。基仔表示出戰歌已有A、B、C餐準備，問可會選飆高音的歌？他笑言：「我今次係飆低音，愈低愈鍾意。（有信心突圍成功？）冇諗啦，就算Day 1開始都係抱輕鬆心態去參加，就算突圍成功都係唱多一集，已經到last總決賽。」至於古太Lorraine繼續貼身照顧基仔，基仔曾聲稱會開行Turbo造人至今卻未有聲氣？基仔無奈謂：「太忙，新碟都係錄得一半，盡量啦！都要睇個天安排，但做呢個節目真係冇時間『努力』。（力追羊B？）咁唔係一個人搞得掂嘅。」