學神出巡 許靖韻遇發哥漏「郵」
歌手許靖韻（Angela）和洪杰昨日聯同英皇集團（國際）主席陸小曼出席善寧會「登山善行2015」活動，Angela表示閒時非常喜歡到郊外行山、跑步和放狗，特別是城門水塘一帶。問到在行山時可有生擒過出名愛行山的周潤發？Angela表示沒有，但曾經與發哥有一面之緣：「行山就未遇到，反而當時喺九龍塘學車，就見過發哥喺我架車側邊行過，我教車師傅直情開窗嗌佢，發哥都有同我哋打招呼！（冇乘機集郵？）冇啦，當時揸緊車唔停得，我只可以望住佢，如果可以我都想生擒發哥啦！」
大霧滯留台灣
另外，講到師兄洪卓立（Ken）和女友湯怡到札幌旅行，因搭錯火車而錯失航機返港，搞到延遲一日回港兼要重買機票，Angela表示新年時和家人去台中旅行返港亦發生過類似情況，航空公司因大霧取消航班，最後一家人滯留一天才能返港。
至於洪杰和女友朱紫嬈（Chloe）亦剛到過札幌旅行，洪杰表示在旅程中有相約Ken和湯怡食飯，因不同航機所以未有約兩人到機場，後來Ken打電話給他才知對方送機尾。
文：音樂組