周聰玲開影展唔捕發哥捕蜻蜓

周潤發胞姐周聰玲於灣仔舉行個人蜻蜓攝影展,由於場地所限,且籌備時間匆忙,只能展出約20張作品。談到其中一張她自稱「追蹤咗10幾年先影到」的網脈蜻蜓動態圖,玲姐表示:「呢種蜻蜓好難捕捉,因為好敏感,見到人就飛走,嗰日蘊釀一號風球我先影到,影到嗰刻開心到要跳蜻蜓舞。」

玲姐表示自己喜歡大自然美態,亦想藉此推動環保,早前更送贈了自己的蜻蜓集予發哥留念。問到可會相約發哥去影相?她笑謂:「佢影嗰啲山水風景簡單啲,用腳架放部機喺度就得,我影嗰啲要好有耐性,心急係影唔到嘅。」