靚靚裝假「狗」 Chilam煮場發威

張智霖與袁詠儀在內地真人騷《一路上有你》中挑戰做小販，在韓國東大門擺檔賣熱狗，兩公婆為生意絞盡腦汁，靚靚更穿上道具熱狗衫做熱狗女郎吸客。

自誇金舌頭

Chilam夫婦以20萬韓圜（約1,400港元）做資本，由買食材到下廚亦親力親為。負責宣傳的靚靚不惜出賣老公色相，加推消費滿一萬韓圜可與Chilam合照，引來大批食客。負責製作熱狗的Chilam獲讚表現有板有眼，對於熱狗大受歡迎，Chilam笑指自己是「金舌頭」：「我食過嘅嘢都帶起熱潮，都有試番自己手勢，真係唔錯。（有兼職經驗？）讀書時做過，不過唔係飲食，係做送花，好輕鬆又有貼士收，唔似今次咁辛苦。」

靚靚化身熱狗女郎叫賣。

韓星具荷拉（前）和Chilam及靚靚一起玩遊戲。

談到熱狗檔大成功，問有否計劃投資飲食生意？愛吃拉麵的Chilam謂：「係都做拉麵啦！仲要遍及中港台，不過依家仲未遇到想同大家推介嘅拉麵，之後再走訪世界各地，搵到心水拉麵再同大家分享。」而節目中Chilam和靚靚又與韓星具荷拉玩遊戲。

搞自家面膜

另外，靚靚日前再走訪韓國，預留了兩天時間購物的她，因Chilam提早回港工作而錯失共度元宵的機會。問靚靚有何戰利品？她說：「買咗好多面膜，又了解韓式化妝，佢哋好用心扮靚，等我研究吓有冇機會推出自家面膜品牌。」

文：影視組