佘詩曼低調總理谷起善款
佘詩曼前晚以「佘總理」身份出席籌款節目時，她自爆已擔任這職位好幾年，相當低調，笑言希望收善款收到手軟。同場的欣宜則在台上大騷「擘腿」絕技，更豪言：「並唔係你諗得咁易！」
藝人佘詩曼、鄭欣宜、謝雪心和何傲兒等前晚在將軍澳電視城出席無綫節目《重燃生命慈善夜》直播，當中楊詩敏、細細粒（陳嘉佳）和鄭欣宜等在趣劇環節「值得可憐天下父母心」中「重量級」登場，相當搞笑。
新片預告高點擊
阿佘以國際獅子會腎病教育中心總理身份到場，她在訪問中坦言低調做總理已好幾年，又笑指自己希望收支票收到手軟。月中會到澳門繼續拍攝電影版《十月初五的月光》的她，喜見該片預告點擊量高達34萬：「都係一個集體回憶，我開工前都睇番晒成套劇，拎番嗰個感覺。」會否怕比較？她笑謂：「依家演技一定好過嗰時少少。（再嗌初哥哥好尷尬？）咁又唔會！」
欣宜則在台上獻唱新歌《你瘦夠了嗎？》，期間大騷「擘腿」絕招，更指苦練了兩個星期：「並唔係你諗得咁易！」問她有否向爸爸鄭少秋分享新MV？她就指未讓對方看，但妹妹就有睇：「阿妹話好正！佢都好驕傲，知我一直以嚟好想有又唱又跳嘅歌，好戥我開心！」
謝雪心Deep V都得
與欣宜合作做趣劇的謝雪心，談到在無綫劇《天眼》的罕見泳衣演出，心姐即笑謂：「啲朋友話出咁少，我就話你追住《天眼》啦！（仲有？）你敢睇我敢有，嗰時先係正式！」更指有助導搞笑問自己能否着三點式：「我問番佢唔着好唔好！傻仔！心姐點會着三點式，Deep V都得嘅！」
文：影視組