連詩雅月光族三餐捱包
連詩雅（Shiga）這位「長腿女神」出道四年，人氣有增無減，不過她自揭風光背後，有段辛酸日子，曾試過三餐都成問題，每逢月尾坎坷得像負資產，入行頭兩年不停工作卻如同零收入，要靠經理人公司接濟，慶幸有麵包啃未至於餓死。
入行四年的連詩雅成績愈來愈好，去年出唱片又有280萬歌曲點擊率，更奪《TVB8金曲頒榜獎禮》的「最受歡迎女歌手獎」，還有代言及商演等，她坦承是豐收一年，但卻有感而發說：「永遠人哋睇就最風光，以為你一個月肯定賺幾廿萬，我都想呀！」
月尾計住數
Shiga曾演電影《喜愛夜蒲》系列，但她自爆曾一日三餐都成問題，入行頭兩年是零收入，她解釋因做新人未賺到錢，所以要靠經理人公司接濟，每月公司都會預支生活費給她，她說：「呢筆數要還，一路慳住使一路還。」她自嘲是「月光族」，月頭風光，月尾坎坷：「試過一日三餐只係食麵包，月尾要計住數，唔可以搭的士，拎好多嘢都要搭巴士、港鐵。」
即使辛苦，Shiga仍覺幸福：「食麵包都飽，起碼唔會餓死。」這些日子她捱了兩年，問賺到大筆錢那刻是否好開心？她說：「唔係突然間一個月賺好多，係慢慢累積，因為之前借公司錢，知道還晒錢時，我即刻嘩一聲，好似由負資產變正資產。」
還清欠款是Shiga人生一個轉捩點，她說：「唔使再借公司錢，賺幾多就袋幾多，但頭一、兩個月都要慳住，可能習慣咗，我又唔大使，可以舒服地使。（以前好辛酸？）最緊要鍾意唱歌、拍戲，如果唔鍾意，就算餐餐大魚大肉都冇意思。」
盼照顧母親
單親的Shiga跟媽媽相依為命，媽媽已67歲，經常要飛來飛去工作，她說：「我未算搵到錢，都可以養到自己，但未養到佢，依家至少唔使佢擔心，希望早日照顧埋佢，想佢退休享樂。」
文：音樂組