劉嘉玲品酒人生
劉嘉玲日前到巴黎睇騷，適逢昨日三八婦女節，嘉玲在微博貼相，擺出人形加號，配合身旁的「0」組成讀音「嘉玲」二字，有創意的她留言：「世界是醜還是美，就看你的視野；生活是苦還是甜，就看你怎樣品嘗。38節快樂」嘉玲在巴黎時間3月6日在當地睇騷時，與英國名模Stella Tennant交流時裝經，又與多位嘉賓合照留念，如秘魯攝影師Mario Testino。有意進軍紅酒界的她更在當地試紅酒，又抽空四出觀光。
同樣身處巴黎的台灣女星陳意涵於當地時間3月7日出席I.T旗下品牌Tsumori Chisato 2015秋冬騷，首次到巴黎的意涵坦言感覺浪漫和夢幻：「我今朝喺塞納河畔跑步，沿路經過好多教堂、羅浮宮，周圍都好似電影場景咁。」自言並非球迷的她稱會去睇球賽，希望融入當地。意涵透露此行沒有艷遇，但遇見偶像法國女星柯德莉塔圖（Audrey Tautou），更化身小粉絲與對方合照。她的好友張鈞甯亦受邀到當地睇騷，兩人一見面即刻咀嘴貼相到微博。
