朱慧敏唔怕做高齡產婦
藝人朱慧敏早前宣布男友前EO2成員Eddie（彭懷安）求婚成功，昨日她出席活動時談到待嫁心情，坦言非常緊張，問及何時舉行婚禮？她說：「日子未定，但一定係2016年，Eddie想今年10或11月，不過睇場地、擺設發現根本唔夠時間。」
Eddie趕住想生B？朱慧敏說：「佢好想，我都鍾意，不過想過多幾年先。Auntie成日叫我哋快啲生，話年紀唔細，Eddie話自己過多幾年已經40歲。（為佢提前生？）提前咗o架喇，過多幾年我都係37歲啫。（高齡產婦！）依家年代唔同。」不少朋友得悉他們訂婚已致電祝賀，她開心地說：「以前讀書男仔朋友多，有個打嚟問要唔要做我姊妹！」