徐濠縈裸浸溫泉：影到都抵!

潮人徐濠縈（阿徐）、名模馬詩慧、藝人傅嘉莉、朱璇和舞台劇演員彭秀慧等昨日出席護膚品牌活動，阿徐農曆新年期間到日本參加馬拉松，完成後，老公陳奕迅（Eason）送她和女兒包包一個溫泉假期，她說：「喺日本抖咗幾日，一家三口浸溫泉，見唔到有中國人，所以好安心唔使簽名或畀人影相。浸溫泉冇着衫，其實都有諗有冇人影相，不過對面係個雪山，如果影到真係抵佢影！」

Eason送「驚喜」

阿徐說Eason和包包在她比賽途中送上驚喜：「日本科技好先進，可以check到我跑到邊，跑到三十幾公里，Eason同囡囡突然出現為我打氣，我好驚喜！」她表示跑到四十公里時抽筋，然後更跌倒：「嗰陣個個都跑去終點，我起番身抽住跑，最後用咗三個鐘頭四十五分完成四十二公里，衝線一刻感動到流眼淚。我平時好少喊，都係生個女時聽到喊聲嗰刻喊過，今次因為終點場地只限參賽者，得自己一個去feel，好感動。」

陳奕迅帶女兒與徐濠縈（中）在日本全裸浸溫泉。（資料圖片）	右起：朱璇、朱慧敏、馬詩慧、徐濠縈、彭秀慧及傅嘉莉（左）同出席活動。	傅嘉莉今年闊綽加碼派利是。

傅嘉莉犯太歲

而傅嘉莉（Kelly）表示早前經常離開香港工作，趁農曆新年與家人聚會，她亦有派開工利是給工作人員，今年還闊綽「加碼」，問到何時派真利是？她說：「隨緣啦，好多朋友都已經有介紹畀我，依家未有男朋友，睇緣分啦。（有冇去求姻緣？）我今年犯太歲，話我今年唔係咁好，求咗都未必好，寄情工作囉。」

文：名人組