趙碩之掛住玩狗險燒廚房

大頭蝦的趙碩之掛住玩狗而險燒廚房，幸好虛驚一場！（資料圖片）

唔記得熄火

記者致電Wylie，她表示因為掛住玩狗，而不記得熄火，招致虛驚一場，她說：「今日（昨日）我諗住食雞髀，就喺便利店買咗隻連膠袋包裝嘅雞髀返嚟整，我已跟足指示連膠袋放落煲度加熱水一齊烚，點知行開之後掛住玩狗，唔記得熄火！」

• 趙碩之把連膠袋包裝的雞髀放落煲烚，但忘記熄火令廚房煙霧瀰漫。

熏黑煲要扔

玩狗期間，Wylie聞到大陣燶味，大懵的她還以為隔籬屋火燭，她說：「開頭以為隔籬屋煲燶嘢，幾驚火燭，後來發現原來係自己唔記得熄火，一入到廚房煙霧瀰漫，膠袋已經燶晒，個煲已乾晒水同一片焦黑，幾驚呀！我咪立即倒水降溫囉，最後連個煲都扔埋！」Wylie表示以後煮嘢食都不敢再大頭蝦，一定記得熄火才行開。

文：專案組