許志安推job操弗凸擊紅館

許志安昨日為5月1至3日假紅館的《Come On許志安演唱會2015》舉行記者會，現場舞台以拳賽擂台作為布置，安仔在兩名性感的拳賽女郎陪伴下出場，不過他全程「非禮勿視，非禮勿動」，表現「硬晒軚」，被司儀取笑不知眼神及雙手放哪裏，其後安仔一邊尷尬笑，一邊翹起雙手合照。

獲贈金腰帶

其後太陽娛樂揸弗人黃柏高（Paco）送上金腰帶，並與安仔戴上拳套主持打沙包儀式，寓意在舞台上KO全場！安仔受訪時坦言近日已積極加入操弗大軍，問到屆時可會剝衫騷肌？他說：「如果操得弗先啦，開始練緊啦，反而擔心操到塊面太瘦，同埋最近傾緊個代言。（內褲代言？）唔關呢啲事，為咗保持最好狀態，都推晒啲工作。」

安仔戴上拳套與Paco主持打沙包儀式，寓意在舞台KO全場。	許志安將第八度攻紅館開騷，昨日舉行記者會造勢。	面對性感的拳賽女郎，安仔尷尬到「硬晒軚」！

剝衫慳成本

曾被偷影到穿平腳內褲的安仔笑言早已向服裝師「落柯打」，講明拒着粉紅色褲或平腳褲，問可接受三角褲？安仔笑言：「四角菱形得唔得？好似Lady GaGa咁？都係唔得，我交晒畀服裝設計師。（赤裸上身？）都要睇咩事幹要除，不過的確可以慳番演唱會服裝成本。」他又透露現正積極邀請嘉賓，因他有多首合唱歌，希望與嘉賓唱出新火花。

另外，他自爆日前入場睇賀歲片《衝上雲霄》電影版，可是他中途離場買爆谷，錯過床上親熱戲。

文：音樂組