軒仔遊日睹同胞盲搶洗PAT廁板

歌手張敬軒、容祖兒、洪卓立及林欣彤等昨日出席《暗中作樂2015》記者會，軒仔表示已是第三次參與這活動，更稱因有老師級的歌手參加而感到壓力，這次的演出邀請了神秘嘉賓，問他是否知情？他說：「一早估到，三個字，我第一次同佢出席同一個活動。（係咪林憶蓮？）我冇講過係林憶蓮呀！」談到農曆新年如何度過？軒仔透露放了一個月大假去遊巴黎及東京，卻在巴黎遇上不愉快經歷：「我畀人打荷包，好彩得證件副本喺銀包，同埋幾十蚊歐羅，所以都係唔見咗幾千蚊銀包。」

清潔鍾意親手做

其後軒仔到日本時就有不同的體驗，面對當地有6折優惠時，他不禁大出血，更發現另一新奇事：「我喺嗰度周街都係同胞，但佢哋依家有新目標，就係廁所板，可以洗pat pat嗰啲。（有冇買？）冇，清潔呢啲鍾意親手做。」有否遇上早前與男友劉浩龍同遊日本的祖兒？軒仔說：「我哋前後腳去，不過就算撞到都扮睇唔到，畀啲空間佢哋。」對於對方在機艙被「捕獲」，軒仔坦言是私人事，覺得「捕獲」做法不太好。

容祖兒笑言與克勤合作演唱會名叫「勤力祖」。

（左起）洪卓立與林欣彤跟師姐容祖兒參與活動。

祖兒破票房宿命

同場的祖兒稍後會跟李克勤開演唱會，她指11年前合作時已想再Crossover，問有否想過演唱會名？她說：「『勤力祖』幾好，似組合名！今次合作好大突破，能夠打破個隔膜。」至於她有份出演的電影《12金鴨》達二千萬票房，祖兒笑稱：「打破我嘅宿命，尋日先去睇。（同男友？）係，辛苦晒佢，睇咗好多次。」談到她戲中梁李笑茜的角色名，她滿意指名字順口，別人現在也會這樣稱呼她。祖兒又表示會親自撐好姊妹蔡卓妍主演的《雛妓》首映，更看好對方奪影后：「其實對佢同我哋嚟講已經好震撼，結果係點都冇所謂，相信會有更好嘅電影會搵佢演。」

文：音樂組