《四個女仔》結局高收添食在望

無綫劇《四個女仔三個BAR》上周五大結局收視報捷，最高收視達32點，黃智賢、陳凱琳、劉佩玥、陳瀅及何雁詩等演員昨收到消息後，齊聲說想添食拍續集。陳凱琳希望以原班人馬開拍：「希望我哋四個女仔續集會再多啲戲份，觀眾都好鍾意我哋四個嘅感情。」而黃智賢樂見收視破頂：「未落實幾時慶祝，都係今日（昨日）先知，唔知公司會有咩表示。」
何雁詩、陳瀅及劉佩玥前日往野餐。
何雁詩、陳瀅及劉佩玥前日往野餐。

劉佩玥昨感冒菌入腸胃，嘔足六次，未必能於近日慶祝：「我哋四個女仔日日都出嚟慶祝，尋日（前日）仲去野餐。」陳瀅想拍前傳做學生妹，又想與其他人互換角色。監製陳維冠表示，如《四》劇拍續集，希望能與編審李茜拍住上：「依家都係初步構思，等公司安排。」另一無綫劇《倩女喜相逢》上周六大結局收視最高亦錄得24點，相當不俗。

張繼聰與陳凱琳在《四》劇裏最終成為戀人。
  • 張繼聰與陳凱琳在《四》劇裏最終成為戀人。